gossip lanka

රනිල් අස්ගිරි මල්වතු විහාර වෙත - පැමිණි හේතුව මාධ්‍යට සඳහන් නොකරම යයි

හිටපු අග‍්‍රාමාත්‍ය එක්සත් ජාතික පක්ෂ නායක රනිල් වික‍්‍රමසිංහ මහතා අද (03) පෙරවරුවේ මහනුවරට පැමිණ මල්වතු අස්ගිරි මහානායක හිමිවරුන් බැහදැක ආශිර්වාද ලබා ගත්තා. පළමුව මල්වතු මහා විහාරයට ගොස් එම පාර්ශ්වයේ මහානායක අතිපුජ්‍ය තිබ්බටුවාවේ ශ්‍රී සුමංගල මහනායක හිමියන් බැහදැක ආශිර්වාද ලබා ගැනීමෙන් පසුව අස්ගිරි මහාවිහාරයට ගොස් එම පාර්ශ්වයේ මහානායක අති පුජ්‍ය වරකාගොඩ ශ්‍රී ඤාණරතන මහනායක හිමියන් බැහදැක ආශිර්වාද ලබා ගත්තා.


රනිල් වික‍්‍රමසිංහ මහතා මහානායක හිමිවරුන්  බැහැදැකීමේ අවස්ථාවන් හෝ සිදුකරන ලද සාකච්ඡාවන් ආවරණය කිරීමට මාධ්‍යයට ඉඩ ලැබුනේ නැහැ.

රනිල් ක‍්‍රමසිංහ මහතා අස්ගිරි මහාවිහාරයෙන් එළියට පැමිණෙමින් සිටි අවස්ථාවේදී මාධ්‍යවේදින් විසින් මහානායක හිමියන් බැහදැකීමේ විශේෂ කරුණක් තිබුනා දැයි යන්න විමසා සිටි අවස්ථාවේදී  හිටපු අගමැතිවරයා සඳහන් කර ඇත්තේ තමන් ස්තූති කිරිම සඳහා පැමිණි බවයි.

රනිල් වික්‍රමසිංහ මහතා සමග කිසිඳු හිටපු ඇමතිවරයෙකු හෝ පැමිණි සිටි අයුරු දැක ගැනීමට නොහැකි වූ බවයි වාර්තා වන්නේ.
gossip lanka